काठमाडौँ । प्रधानमन्त्री सुशीला कार्कीले निर्वाचनपछिको सरकारले मात्रै संविधान संशोधन गर्ने बताएकी छन् ।
राष्ट्रको नाममा बिहीबार पहिलो सम्बोधन गर्दै प्रधानमन्त्री कार्कीले अहिलेको अन्तरिम सरकारलाई ६ महिनाभित्र निर्वाचन गर्ने म्यान्डेड प्राप्त भएको भन्दै निर्वाचनपछि संविधान संशोधन सोही सरकारले गर्ने बताएकी हुन् ।
जेन जी आन्दोलनका क्रममा संविधान संशोधनको माग उठेको कुरातर्फ संकेत गर्दै उक्त एजेन्डा आगामी २१ फागुनमा हुने नयाँ निर्वाचनपछि हुने स्पष्ट पारेकी छन् ।
उनले अहिले प्रतिनिधिसभाको निर्वाचन हुने अनि उक्त निर्वाचनपछि बन्ने सरकारले प्रत्यक्ष कार्यकारीको लागि संविधान संशोधन गर्न सक्ने बताएकी हुन् ।
