पोखरा । राष्ट्रिय स्वतन्त्र पार्टी(रास्वपा)का सभापति रवि लामिछानेले शुक्रबार रिहा भएका छन् ।
नख्खु कारागारमा रहेका लामिछाने शुक्रबार रुपन्देही पुगी कागजी प्रक्रिया पूरा गरेर रिहा भएका हुन् ।
जिल्ला अदालत रुपन्देहीका सूचना अधिकारी पदम अर्यालका अनुसार लामिछानेले कुल ३ करोड ७४ लाख ८४ हजार रुपैयाँ बुझाएर रिहा भएका हुन् ।
बिहीबार उच्च अदालत बुटवलले बैंक ग्यारेन्टीमा छाड्ने आदेश दिएपछि लामिछाने कागजी प्रक्रिया पूरा गर्न रुपन्देही पुगेका थिए ।
तुलसीपुर उच्च अदालत बुटवल इजलासका न्यायाधीश वासुदेव आचार्य र तेजनारायण पौडेलको इजलासले जिल्ला अदालतको साउन २६ को आदेश बदर गर्दै बिगो बराबरको बैङ्क जमानत लिएर सर्तसहित थुनामुक्त गर्न आदेश गरेको थियो ।
यसैबीच रिहा पछि बोल्दै सभापति लामिछानेले आफूमाथि अन्याय भएको र सोको हिसाब मिलाउन बाँकी रहेको बताएका छन् ।
